«Барселона» клуби Эрнесто Вальверденинг бош мураббий этиб тайинланганини эълон қилди.
53 ёшли мутахассис бу лавозимда Луис Энрике ўрнини эгаллайдиган бўлди.
Вальверде ўз фаолиятида «Атлетик Бильбао», «Эспаньол», «Вильярреал» ва Грециянинг «Олимпиакос» клубини бошқарган. Мураббий сифатида уч марта Греция чемпиони, икки марта мамлакат кубоги соҳиби бўлган. 2015 йилда «Атлетик» билан Испания суперкубогини қўлга киритган. Финалда айнан «Барселона»ни тор-мор этган (4:0 ва 1:1).
Футболчи сифатида 2 мавсум «Барселона»да (1988-1990) ўйнаган. 29 ўйин ўтказиб, 10та гол урган. 1988/89 мавсумда Кубок эгалари кубоги соҳиби бўлган, 1989/90 мавсумда Испания кубогини қўлга киритган.
