Ўзбекистон кубоги нимчоракфиналининг жавоб ўйинида «Металлург» ва «Қўқон-1912» баҳслашди. Дастлабки ўйинда қўқонликлар 2:0 ҳисобида ғалаба қозонган эди.
Жамоалар ўйинни эҳтиёткорлик билан бошлашди. 13-дақиқага келиб, Санжар Қодирқулов меҳонлар дарвозасига илк хавфли зарбани йўллади. Музаффар Абдуллаев ўз ўрнида.
Шундан кейин меҳмонлар кетма-кет хавфли ҳужумлар уюштиришди. Ҳисоб очилишига бироз омад етишмади.
20-дақиқа Бердиев ва Гожкович зарбаларини дарвозабон қайтарди. 25-дақиқада мезбонлар ҳисобни очишга муваффақ бўлишди. Тимур Усмонов дарвозабон билан бирга-бир чиқиб борди ва вазиятдан оқилона фойдаланди.
Иккинчи бўлимни меҳмонлар фаол тарзда бошлади. Райевацнинг тўп оширишидан сўнг Андрей Сидоров дарвозабон билан деярли бирга – бир вазиятга чиқиб зарба йўллади. Гол бўлишига бир неча см аниқлик етишмади.
61-дақиқада ҳисоб тенглашди. Бурчак зарбасидан сўнг Ойбек Рустамов йўллаган зарба дарвоза устунига тегиб қайтди. Қайтган тўпни эса Гожкович рақиб дарвозасига жойлаб қўйди.
73-дақиқада Отақўзиев қўқонликларни олдинга олиб чиқди. Носир дарвозабон билан бирга– бир чиқиб гол урди.
77-дақиқада Филип Райевац жароҳат олиб майдонни тарк этди. Бу вақтга келиб, учта футболчи алмаштирилгани боис, қолган дақиқаларни меҳмонлар майдонда бир киши кам бўлган ҳолда ўтказди. 82-дақиқада меҳмонлар жарима майдони ичида рақибга нисбатан қўполик ишлатишди. Ҳакам ҳеч иккиланмай пенальти белгилади. Пенальтини Достон Турсунов аниқ амалга ошириб, ҳисобни тенглаштирди.
Ўйин якунланиши арафасида яна пенальти белгиланди. Яна ўша Достон Турсунов уни аниқ амалга оширди ва мезбонларни олдинга олиб чиқди.
Сўнгги дақиқада Суҳроб Бердиевнинг зарбаси дарвоза устунига тегиб қайтди. Ўйин 3:2 ҳисобида якунланди ва «Қўқон-1912» чоракфиналга йўл олди.
Ўзбекистон кубоги, 1/8 финал
Жавоб учрашуви.
«Металлург» (Бекобод) – «Қўқон-1912» (Қўқон) – 3:2
Голлар: Тимур Усмонов 24, – 1:0. Дарко Гожкович 61, – 1:1. Носир Отақўзиев 73, – 1:2. Достон Турсунов 82 пенальти, – 2:2. Достон Турсунов 89 пенальти, – 3:2.
Ҳакамлар: А. Рисқуллаев (Тошкент), С. Ҳакимов (Самарқанд), Ш. Камаров (Самарқанд), Д. Жалимов (Тошкент вил.)
Назоратчи: О. Дачев (Тошкент).
«Металлург»: 1.Зафар Сафоев, 7.Дониёр Адилов, 9.Фарҳод Намозов, 13.Санжар Қодирқулов, 15.Зоҳид Абдуллаев (34.Зуҳрилло Бобоев, 46), 20.Достонбек Турсунов, 23.Камронбей Кападзе, 27.Муҳаммаджон Қаҳрамонов, 28.Аброрбек Тошқўзиев, 77.Дониёр Исмоилов (33.Умид Раҳимов, 72), 95. Тимур Усмонов
Захира: 32.Суҳроб Султонов, 4.Ҳикмат Ҳошимов, 5.Жасур Аҳмедов, 19.Алишер Зиявутдинов, 40.Исломжон Қобилов
«Қўқон-1912»: 21. Музаффар Абдуллаев, 4. Баҳодир Акрамов (10. Жавоҳир Сидиқов, 46), 5.Жалил Кимсанов, 8. Собир Ҳамидов, 11. Андрей Сидоров (9. Носир Отақўзиев,58 ), 17.Авазхон Маматхўжаев (99. Филип Райевац46), 19. Суҳроб Бердиев, 55. Дарко Гожкович, 77.Мурод Холмуҳаммедов, 96. Муҳаммаданас Ҳасанов, 97. Ойбек Рустамов
Захира: 13. Никита Рибкин, 7.Жамшид Ҳасанов, 24. Иброҳим Раҳимов, 25. Иқбол Маликжонов,
Биринчи ўйин: 0:2
