УЕФА Чемпионлар лигаси плей-офф босқичи ўйинларини дам олиш кунларига кўчиришни режалаштираётгани ҳақидаги хабарларни инкор қилди.
«УЕФА Европа чемпионлар лигасининг чоракфинал ва ярим финал учрашувларини дам олиш кунларига кўчириш ҳақида ўйламаяпти. Фақатгина финал дам олиш кунлари бўлиб ўтмоқда ва бундан кейин ҳам шундай қолади», – дейилади ташкилот баёнотида.
Аввалроқ, France Football 2021 йилдан бошлаб Европа чемпионлар лигасининг чоракфинал ва яримфинал учрашувлари шанба ва якшанба кунига кўчирилиши ҳақида хабар тарқатганди. Бу Осиё ва Америка қитъасида яшовчи мухлисларга қулайлик туғдириш учун амалга оширилмоқчи эди.
