"Ювентус" бош мураббийи Массимилиано Аллегри ЕЧЛ финалида "Реал" билан учрашув олдидан интервью берди.

- Жамоа эски тактика билан ривожлана олмаслигини билгач, 4-2-3-1 схемаси калламга келди. Мен футболчиларимнинг имкониятларини чамалаб, уларни ўзлари ёқтирган чизиқларга қўйдим. Мен жамоа иштиёқ билан ҳужум уюштиришига шароит яратдим.

Бу қарор менга кўп фойда келтирди: футболчилар ўз ўйинларидан кўпроқ завқ ола бошладилар. Уларнинг бор кучларини сарфлашлари кўриниб қолди. Айнан шундай вазиятлар ҳал қилувчи бўлди. Кўпроқ ҳужумкор ўйинчилар ва мувозанатли ҳимоя - ғалабалар асоси бўлди.

- Сиз учун ниманинг эвазига бу мавсум омадли келди?

- Биринчи ўринда А сериядаги ажойиб жамоалар - "Рома" ва "Наполи" билан рақобат. БУ нарса бизга чемпионлар лигаси финалигача чиқишимизга сабаб бўлди. Чунки биз диққатимизни сусайтирмадик, ҳар бир ўйинга эътибор қаратдик.

Агар концентрация доим юқори савияда бўлмаса, маълум даврларда ниманинидир йўқотасиз ва мағлубиятга учрашингиз мумкин.

- 2015 йилдаги омадсиз финал сизга ниманидир ўргатдими?

- Ҳар бир кун нимагадир ўргатади, чемпионлар лигаси финали эса аниқ. Фақат танланганларгина бу совринни боши узра кўтарадилар. Бу ҳар йили ҳам бўлавермайди.

Биз охирги йилда бир марта финалда ўйнаганмиз, энди иккинчисини ўйнаймиз. Бу сафар совринни қўлга киритишимиз керак", - дейди Аллегри.