«Челси» раҳбарияти бош мураббий Антонио Контенинг қилиғини кескин қоралади.
Аввалроқ, италиялик мутахассис ҳужумчи Диего Костага СМС хабари жўнатиб, унинг хизматидан воз кечганини айтган эди.
«Салом Диего! Умид қиламанки, ишларинг жойида. Биргаликда ўтказган мавсум учун миннатдорчилик билдираман. Кейинги мавсумда сенга омад тилайман, аммо мени режаларимга кирмагансан» - дейилган СМС хабарда. Шундан сўнг Коста бу СМСни журналистларга тақдим қилган.
Антонио Контенинг бу ишидан «Челси» раҳбарияти қаттиқ норози бўлган. Чунки, Диего Костадан ошкора воз кечиш оқибатида, футболчининг нархи кескин пасайиб кетиши мумкин. «Челси» эса унинг трансферидан камида 50 млн евро ишлаб олмоқчи.
