Ўзбекистон Республикаси ахборот технологиялари ва коммуникацияларини ривожлантириш вазирлиги томонидан 2017 йил 9 июндан «Ўзбекистон маркаларида спорт» туркумининг махсус почта маркалари муомалага киритилди.
Почта маркалари «Ўзбекистон почтаси» АЖ томонидан тайёрланган ва улар Рио-де-Жанейро шаҳрида ўтказилган XXXI ёзги Олимпиада ўйинлари чемпионлари, Олтин медаль соҳибларига бағишланган.
Почта маркаларида спортчилардан Руслан Нурудинов (оғир атлетика) ва Ҳасанбой Дўсматов (бокс) тасвирланган.
Руслан Нурудинов номинали 1800 сўм, Хасанбой Дўсматов номинали 1900 сўм этиб белгиланган. Бу ҳақида “Ўзбекистон почтаси” АЖ сайтида хабар қилинди.
