«Рома» клубининг собиқ устози Лучано Спаллетти ҳужумчи Франческо Тотти билан боғлиқ муаммони ҳал қилолмаганини айтди.
Мутахассис мухлисларнинг норозилигига қарамай, Тоттини мунтазам равишда захирада қолдирарди.
«Мен Римда ўзимни уйдагидек ҳис қилолмадим. Гап шундаки, Тотти билан боғлиқ вазиятда нима қилишни билолмай қолдим. Мухлисларнинг унга бўлган муҳаббати жуда кучли эди. Аммо уни доимий тарзда асосий таркибга киритолмасдим. Мен мана шу икка нарсани бирлаштиролмадим, демак ишимни уддаламадим.
Менга осон эмасди. Мухлисларнинг гапи ва миш-мишларини ҳар қадамда эшитиб турдим. Шунинг учун ҳам «Рома»га аҳилликни тилайман» - деди Спаллетти.