16 – 30 июнь кунлари давомида Паольша мамлакати ёшлар ўртасидаги Европа чемпионатига мезбонлик қилади. Эътиборлиси мазкур чемпионат қатнашчилари орасидаги Германия терма жамоаси сафида Олмалиқ шаҳрида туғилган Вальдемар Антон ҳам бор. Футболчи Германиянинг «Ҳанновер-96» клуби аъзоси ҳисобланади.
Вальдемар Антон Германия U-21 терма жамоаси устози Штефан Кунц томонидан турнирдан олдинги тайёргарлик жараёнида жамоага чақирилганди. «Байер» ҳимоячиси Жонатан Та жароҳат олиб, сафдан чиққандан сўнг мураббий Вальдемарни якуний таркибга ҳам киритилди.
Футболчи 1996 йил 20 июль куни Тошкент вилояти Олмалиқ шаҳрида дунёга келган. 2016 йилгача уни Германиянинг Энгем шаҳрида туғилган деб ҳисоблашарди.
Аммо футболчининг ўзи интервьюларининг бирида бунга ойдинлик киритиб, Олмалиқда туғилганини маълум қилди. Унинг ота-онаси ўзбекистонлик бўлиб, Германияга кўчиб кетишган.
Вальдемнинг сўзларига кўра, унинг бобоси ва бувиси ўзбек тилида гаплашади. Ота-онаси ва ўзи эса русча. Аммо немис тилини ҳам билишади.
Sputnik нашри маълумотларига кўра, Вальдемар «Ҳанновер 96» клуби академиясида футбол билан шуғулланишни бошлаган. Шу жамоанинг ёшлар жамоаларида ўйнаб келган.
2016 йилда эса асосий жамоадаги дебютини ўтказган. Ўша йили жамоа Бундеслигадан тушиб кетганди ва ҳозирда иккинчи Бундеслигада иштирок этмоқда. 2016 сентьяр ойидан бошлаб Германиянинг ёшлар терма жамоасига жалб этиб келинаётган футболчи расмий учрашувларда бир марта майдонга тушган.
Ёшлар ўртасидаги Европа чемпионати шу йилнинг 16 – 30 июнь кунлари Польша мамлакатида бўлиб ўтади. Турнирда 12та терма жамоа қатнашади. Евро U-21 мусобақасида 1994 йилнинг 1 январь куни ёки ундан кейин туғилган футболчилар қатнашаши белгилаб қўйилган.
