"Манчестер Сити" ҳужумчиси Нолито ўзининг "Сельта" ёки "Севилья"га ўтиши мумкинлиги ҳақида фикр билдирди.

"Сельта" ёки "Севилья"? Бу қийин савол, бунга қандай жавоб беришни билмайманю Тўғрисини айтсам, нима бўлишини билмайман. Агар танлаш керак бўлса, мен жуда қийналаман. "Сельта"да энг яхши йилларимни ўтказдим, "Севилья" - ажойиб клуб, у чемпионлар лигасида ўйнайди. Ҳар икки вариантнинг яхши ва акс томонлари бор.

Бу мавҳумлик янги мавсум бошлангунча давом этади, ўзим қаерга боришимдан хавотирланмайман. Ўйлашимча, "Сити" мен учун катта сумма талаб қилса керак, худди менга тўлаганлари каби. Ҳаммасини олдиндан билишни истардим, аммо клубга қайтиб, мавсумолди тайёргарликни ўтказишим керак.

Декабрдан ёзгача жуда кам ўйнадим. Хоҳлаган нарсам - ўйнаш. Агар имкониятим бўлса, Испанияга қайтган бўлардим. Мен ўйнашни ва бахтиёр бўлишни истайман. Гвардиола менга ишонади, деб ўйламайман", - дейди Нолито.