Италия терма жамоасининг собиқ дарвозабони Жованни Галли "Милан" посбони Жанлуижи Доннарумманинг клуб билан шартномасини узайтирмаганига тушунмаяпти.
"Одамлар шуни тушуниб олсинларки, ҳамма агентлар шуни тушуниб олсинларки, биз "Милан" ҳақида гапиряпмиз, қандайдир бошқа клуб ҳақида эмас! Бу клуб етти марта Европа кубокларини қўлга киритган ва бутун Италия футболининг юзидир. Ёш футболчига А серияда доимий ўйнаш имкониятини берган клубга ҳурмат сақланиши керак.
Агар кўп пул топмоқчи бўлсанг - бу бошқа гап, аммо ҳеч қандай тушунтиришсиз шартномани узайтирмаслигингни айтиш - бу адолатдан эмас. Мен ҳозир у нима учун шартномасини узайтирмаганини билишни истайман. Доннарумма 18 ёшда ва балоғатга етган инсон, шунинг учун унда ўз қарорини тушунтириш мажбурияти бор", - дейди Галли.
