«ПСЖ» «Реал» ҳужумчиси Криштиану Роналду учун курашда «Манчестер Юнайтед», «Монако» ва Хитой клублари билан рақобат қилмоқда.

Corriere dello Sport нашри маълумотига кўра, парижликлар жамоаси 32 ёшли португалиялик ҳужумчи учун Мадрид клубига 140 миллион евро тўлашни кўзламоқда, шу билан бирга футболчининг ўзига йилига 30 миллион евро миқдоридаги маош ваъда қилинган.

«ПСЖ» президенти Носир Ал-Халайфи футболчининг агенти Жорже Мендеш билан мулоқот қилиб, ўз истаги ҳақида маълум қилган.

Daily Mail нашри Ал-Халайфи ва Мендеш аввалроқ, 3 июнь куни Кардиффда, Чемпионлар лигаси финали вақтида учрашгани ҳақида ёзмоқда.

Бундан олдинроқ «Реал» Роналдуни 400 миллион евродан камига сотмаслиги ҳақида хабар тарқалганди.

Италиядаги La Gazzetta dello Sport нашри ҳам футболчининг трансфер қийматини 400 миллион еврога баҳолаганди.

Англиядаги The Telegraph нашри эса  «Манчестер Юнайтед»га келиши кутилаётган португалиялик футболчига 150 миллион евролик «нарх қўйганди».