«Кротоне» бош мураббийи Давиде Никола Италия бўйлаб 1300 километр масофани велосипедда босиб ўтди.
Football Italia хабарига кўра, 44 ёшли мутахассис «Кротоне» А сериядаги ўрнини сақлаб қолса, шу ишни қилишга ваъда берганди.
9 июнь куни Кротоне шаҳрида старт олган саёҳат давомида унга яқин қариндошлари ва клуб ходимларидан бири ҳамроҳлик қилди. Мураббий Таранто, Бари, Пескара, Анкона, Ливорно, Генуя шаҳарларини кезиб ўтди ва бугун Туринда ўз саёҳатини якунлади.