Мексика терма жамоаси ҳужумчиси Хавьер Эрнандес КК-2017 мусобақасининг 1-турида Португалия биан учрашув (2:2) ҳақида фикр билдирди.

Учрашувда Чичарито битта гол муаллифи бўлди.

"Жуда яхши ўйин ўтказдик. Мексика термаси қўрқмасдан ўйнади. Охирги дақиқада дуранг келтирган гол бизга ишонч туғдирди.

Видеотакрор системаси? У бугун бизга ёрдам берди, чунки даровзамизга урилган гол бекор қилинди.

Стадионда муҳит ажойиб бўлди, кўпчилик бизни қўллаб-қувватлади. Бунга гувоҳ бўлдингиз. Бу мусобақада иштирок этаётганимиздан мамнунмиз ва ғолиб чиқмоқчимиз. Юртингиз ҳавоси совуқ бўлсада, бу бизни ташвишга солмади", - дейди Чичарито.