«Реал» ҳужумчиси Криштиану Роналду Испанияда ўзига нисбатан бўлаётган муносабатдан норози бўлмоқда. Футболчи "Қироллик клуби" бош мураббийи Зайниддин Зидан билан телефон орқали суҳбатда бу ҳақида гапирган.

«Испанияда менга нисбатан жиноятчидек муносабатда бўлишмоқда. Оммавий ахборот воситаларидан бошлаб», — деди Роналду.

Франциялик мутахассис Португалия терма жамоаси футболчисига қўнғироқ қилиб, ундан қарорини ўзгартиришни ва "Реал"да қолишни сўраган. Испания прокуратураси томонидан қўйилаётган айблов туфайли Криштиану Мадридни тарк этмоқчи. Футболчи ўзининг қарори қатъий экани ҳақида "қаймоқранглилар" президенти Флорентино Пересга маълум қилган. Роналду 2011-2014 йиллар давомида 14,7 млн. евро солиқ тўламаганликдан айбланмоқда. Жумладан, футболчи бу ишни 2010 йилда тузган жамоатчилик ташкилоти орқали қилгани ҳақида ОАВ хабар тарқатди.