ФИФА президенти Жанни Инфантино Конфедерациялар кубогида ҳакамга видеоёрдам тизими (VAR) ишлаётганидан мамнун эканини айтди.

«Мен VAR тизимидан жуда мамнунман. Биз видеоёрдамчилар ҳакамларга тўғри қарор қабул қилишда қандай ёрдам бераётганини кўрмоқдамиз. Тизимнинг Конфедерациялар кубогида синовдан ўтиши бизга жараёнларни ва ҳакамлар билан алоқа қилишни яхшилашда ёрдам беради. Мухлислар кўп йиллар давомида орзиқиб кутган воқеа юз берди. Видеоёрдам тизими бу замонавий футбол келажагидир» - деди Инфантино.

Эслатиб ўтамиз, Конфедерациялар кубогининг "А" гуруҳи 1-туридан ўрин олган Португалия – Мексика (2:2) баҳсида VAR тизими илк бор ФИФА турнирида голни бекор қилган эди.