Мексика терма жамоасининг бош мураббийи Хуан Карлос Осорио КК-2017 доирасида Янги Зеландия устидан қозонилган ғалабага (2:1) шарҳ берди.
"Ўзимдан кетиб қолганим учун ҳаммадан, шу жумладан телетомошабинлардан узр сўрайман. Ўша вазиятда fair play қоидаси бузилган эди, чунки футболчимиз жароҳат олган эди. Ҳозирча, унинг жароҳати қандайлигини билмайман.
Бундан ташқари уларнинг бош мураббийи ёрдамчиси менга бақириб, испан тилида ҳақорат қилди. Мен ўзимдан кетдим...
Иккинчи бўлимда шогирдларим яхши ўйнадилар. Эррера ва Моренонингмайдонга тушиши кўп нарсани ўзгартириб юборди", - дейди Осорио.
