Ёшлар ўртасидаги Европа чемпионати доирасида Сербия ва Македония ўртасидаги ўйинда рефери македонияликлар бош мураббийи Благоя Милевскига сариқ карточка кўрсатди.
Ушбу тарихий воқеа баҳснинг 90+2-дақиқасида содир бўлди. Македония U-21 бош мураббийи ҳакамга кўп эътироз билдиргани учун Бобби Мэдден захира ўриндиғи ёнига келди ва Милевскига сариқ карточка кўрсатди.
Эслатиб ўтамиз, бу мураббийга кўрсатилган футбол тарихида дастлабки сариқ карточка эди. Бу янги қоида Халқаро футбол ассоциациялари кенгаши (ИФАБ) томонидан тажриба сифатида қўлланилмоқда.
Маълумот ўрнида, Сербия U-21 – Македония U-21 учрашуви 2:2 ҳисоби билан якунланди.