"Ливерпуль" бош мураббийи Юрген Клопп жамоа билан шартнома имзолаган мисрлик футболчи Муҳаммад Салоҳ ҳақида фикр билдирди.
"Муҳаммад тажриба ва салоҳиятнинг ажойиб уйғунлигига эга. Бу биз учун муҳим харид бўлди. Бунинг устига у Англияда ўйнаган, чемпионлар лигасида тажрибаси бор, ўз мамлакатининг энг муҳим ўйинчиларидан бири.
У Италияда ҳам яхши кўрсаткичларларга эга бўлди, унда бизнинг жамоамизга ёрдами тегадиган сифатлар бор. Мен уни "Базель"даги фаолиятидан бери кузатаман. Айтишим мумкинки, мисрлик футболчи ҳақиқатан ҳам яхши ўйинчига айланди", - дейди Клопп.
