Қарши шаҳридаги “Насаф” футбол клубининг уй учрашувлари бўлиб ўтадиган “Марказий” стадион тўлиқ реконструкциядан чиқди.

“Марказий” стадион 2006 йили фойдаланишга топширилган бўлиб, 2009 йили ”Насаф” ПФК ихтиёрига берилган эди.

Стадионда кенг кўламдаги реконструкция ишлари амалга оширилди. Аввал ўриндиқлар сони 16 минг эди, ҳозир эса 21 мингтага етказилди. Футбол майдонига замонавий муҳандислик комуникациялари ўрнатилди ва "Kentucky bluegrass" навли янги чим ётқизилди. Энг муҳими томошабинлар билан майдон оралиғи анча яқинлаштирилди.

30 куни “Марказий” стадионни танатанали очилиш маросими бўлади. Маросимлар соат 18:00дан бошланади. Шу куни таниқли санъаткор ва “Насаф” футбол клубининг ашаддий мухлиси - Даврон Ғоипов сиз азиз мухлисларга ўзининг концерт дастурини тақдим қилади.
Соат 19:30дан бошлаб, Ўзбекистон кубоги чорак финалининг дастлабки учрашуви бошланади. Унда “Насаф” жамоаси “Қўқон-1912” билан куч синашади. Ўйин чипталари 27 июн сешанба кунидан стадион қошидаги чиптахонлар орқали сотуви бошланади.

Чипталар нархи:
CIP сектордаги ўриндиқлар (900та) – 20 000 сўмдан
Марказий секторлар (1, 2, 6, 7, 8) – 15 000 сўмдан
2-қаватдаги секторлар (12, 13, 14, 15, 16, 17, 18) – 10 000 сўмдан
Дарвоза ортидаги секторлар (3, 4, 5, 9, 10, 11) – 8 000 сўмдан