Qarshi shahridagi “Nasaf” futbol klubining uy uchrashuvlari bo‘lib o‘tadigan “Markaziy” stadion to‘liq rekonstruksiyadan chiqdi.

“Markaziy” stadion 2006 yili foydalanishga topshirilgan bo‘lib, 2009 yili ”Nasaf” PFK ixtiyoriga berilgan edi.

Stadionda keng ko‘lamdagi rekonstruksiya ishlari amalga oshirildi. Avval o‘rindiqlar soni 16 ming edi, hozir esa 21 mingtaga yetkazildi. Futbol maydoniga zamonaviy muhandislik komunikasiyalari o‘rnatildi va "Kentucky bluegrass" navli yangi chim yotqizildi. Eng muhimi tomoshabinlar bilan maydon oralig‘i ancha yaqinlashtirildi.

30 kuni “Markaziy” stadionni tanatanali ochilish marosimi bo‘ladi. Marosimlar soat 18:00dan boshlanadi. Shu kuni taniqli san’atkor va “Nasaf” futbol klubining ashaddiy muxlisi - Davron G‘oipov siz aziz muxlislarga o‘zining konsert dasturini taqdim qiladi.
Soat 19:30dan boshlab, O‘zbekiston kubogi chorak finalining dastlabki uchrashuvi boshlanadi. Unda “Nasaf” jamoasi “Qo‘qon-1912” bilan kuch sinashadi. O‘yin chiptalari 27 iyun seshanba kunidan stadion qoshidagi chiptaxonlar orqali sotuvi boshlanadi.

Chiptalar narxi:
CIP sektordagi o‘rindiqlar (900ta) – 20 000 so‘mdan
Markaziy sektorlar (1, 2, 6, 7, 8) – 15 000 so‘mdan
2-qavatdagi sektorlar (12, 13, 14, 15, 16, 17, 18) – 10 000 so‘mdan
Darvoza ortidagi sektorlar (3, 4, 5, 9, 10, 11) – 8 000 so‘mdan