"Реал" бош мураббийи Зинедин Зидан туриннинг "Ювентус" клуби ҳимоячиси Ленардо Бонуччининг хизматларига қизиқиб қолди, дея хабар беради Diario Goal.
Манбага кўра, франциялик мутахассис бу футболчини ўз жамоасида кўрмоқчи. Агар мадридликлар Бонуччини "Юве"дан сотиб ололмаса, Зидан клуб тарбияланувчиларидан бирининг хизматидан фойдаланади.
30 ёшли Бонуччига "Челси" бош мураббийи Антонио Конте ҳам қизиқмоқда. Мутахассис футболчи билан "Ювентус"да ва Италия термасида бирга ишлаган. Аммо лондонликлар ҳозирча Бонуччи учун 54 млн евродан ошиқ беролмасликларини маълум қилишган.
Бундан ташқари, "Манчестер Сити" бош мураббийи Хосеп Гвардиола Бонуччини энг севимли ўйинчиларидан бири деб атади.
Бонуччининг "Юве" билан шартномаси 2021 йилгача тузилган.
