«Реал» клубининг собиқ ҳужумчиси Гути қачонлардир жамоани бошқариш нияти борлигини айтди.
Айни пайтда «Реал» U19 жамоасига устозлик қилаётган Гути ёшлар билан Испания чемпионати ва кубоги, шунингдек чемпионлар кубогида ғолиб чиққан эди.
«Реал» мухлислари Зиданнинг кўп йиллар давомида бош мураббий бўлишини истамоқда. Умид қиламанки, унинг муваффақиятлари давом этаверади. Аммо биз ҳар доим юқори чўққиларни кўзлаймиз. Ҳа, «Реал»ни бошқаришни истамайман десам, алдаган бўлардим. Бироқ бу иш яқин орада юз бермайди. Биз аста-секин мақсад сари қадам ташлаб бораверамиз» - деди Гути sports.fr хабарида.
