Жанубий Кореянинг Мужу шаҳрида таэквондо бўйича жаҳон чемпионати баҳслари давом этмоқда.
Бугун -53 кг вазн тоифасида дунё биринчилигида иштирок этаётган спортчимиз Динорахон Мамадибрагимова финалга чиқиш учун туркиялик Зелиҳа Агришга қарши даянга чиқади. Агар ярим финалда ғалаба қозона олса, у ҳал қилувчи босқичда Инесе Тарвида (Латвия) / Татяна Кудашова (Россия) тўқнашуви ғолибига қарши жанг қилади. Финал жанги ҳам бугун бўлиб ўтади.
Бугун шунингдек, -87 кг вазн тоифасида Давронбек Азимов ўз омадини синовдан ўтказса, +87 кг вазн тоифасида амалдаги жаҳон чемпиони Дмитрий Шокин ўз унвонини ҳимоя қилишга киришади.
Қуръа натижаларига кўра, Азимов илк жангини россиялик Владислав Ларинга қарши бошлайди. Дмитрий Шокин эса чемпионлик ҳимоясидаги илк жангини туркиялик ёки грециялик рақибга қарши ўтказади.
