Эсимда, Самвел Бабаян терма жамоага келганида таркиб ўзгарган, ёш футболчиларга имконият берилиши камайганди. Умуман, бизнинг футболда ёш масаласига ҳаддан ортиқ жиддий эътибор қаратилади, бироқ…
Куни кеча Германия Мексика билан ўйнади ва 4:1 ҳисобида зафар қучди. Ваҳоланки, мазкур ўйинда аксарият футболчилар 20-25 ёш атрофида. Ундан катталарни деярли кўрмайсиз. Масалан, рақиб дарвозасини икки бор ишғол этган Леон Горецка 1995 йилда туғилган, яъни 22 ёш. Яна бир гол муаллифи Юнус эса 25 га кирган. Умуман, Йоахим Лёв ёшлардан яхши бир жамоа шакллантира олди ва Германияда бир вақтнинг ўзида икки ажойиб таркиб шаклланишига сабаб бўлди. Хўш, биздачи? Бизда шундай ёш футболчилар йўқми? Бор, ҳатто керагидан ортиқ даражада. Терма жамоанинг ҳозирги таркибида ҳам мухлисларнинг тинимсиз эътирозлари сабабми ёки ақли сал ишлаб қолдими, мураббийлар штаби ёш футболчиларни ҳам таркибга киритди. Лекин нега улар асосий таркибга киритилмаяпти? Бутун дунё ёш футболчиларга эътибор қаратаётган бир пайтда, Франция термаси ёш Мбаппени таркибга жалб қилиб, Бенземани четлаштирган, Италия ўзини кўрсатган Бернардерскини таркибга киритган бир пайтда нега биз ўзини кўрсатган ёш футболчиларга имкон қаратмаймиз? Нега терма жамоалар ўйини қовушмаётган ёки ўйнай олмаётган тажрибали ҳужумчиларидан воз кечиб турган бир пайтда биз ўйнай олмайдиган ва тажрибадан асар ҳам бўлмаган футболчиларга имкон бераверамиз? Нега энди захирада кучли қуролларимиз бўла туриб тузукроқ ўқ уза олмайдиган қуроллардан фойдаланаверамиз? Ахир шунча воқеалар, ўзгаришлар наҳотки бизнинг мутасаддиларга таъсир қилмаётган бўлса…
Кечаги ўйинни кўриб, Самвел Бабаянга шундай дегимиз келди: жаноб Бабаян,
