Олдинда бизни иккита муҳим ўйин кутиб турганини кўп ва хўп таъкидладик. Бу Хитой ва Жанубий Кореяга қарши ўйинлар.
НЕСТЕРОВ, БАРИБИР, НЕСТЕРОВ
Ҳа, Игнатий Нестеров айни дамда терма жамоамиздаги энг фойдали ва тажрибали посбон. Шундай экан, жаноб Бабаян, Лобановга дам беринг. Бечорани қийнаманг энди, уям бироз дам олсин, ахир уям одам-ку! Бундоқ Нестеровга имкон беринг. Ўзингиз ўйланг, дарвозабон дегани бирор марта ҳам майдонга тушмай, фақат ойлик олиб ётса. Жуда хунук-ку, тўғрими? Хўш, бунга ким айбдор? Яшанг, энди ана шу хатони тўғриланг. Демак, дарвозада Нестеров тургани маъқул.
ҲИМОЯНИ ЎЗГАРТИРИНГ
Иккинчи масала ҳимоя. Бу сизнинг энг нозик жиҳатингиз, жаноб Бабаян. Енг шимаринг-да, яхшилаб изланинг, Виталий Денисов ёки Анзур Исмоилов каби ҳимоячилар яна топилар. Эҳтимол, иқтидорли ҳимоячиларимиз ёшдир, лекин сиз ишонаётган ёши катта ҳимоячилар ҳам тажрибали эмас-ку! Демак, бу борада дуранг! Шундай экан, ёш, аммо иқтидорли ҳимоячиларга ишонч билдирсангиз, барибир, ҳеч нарса ютқазмас экансиз. Мурод Холмуҳаммедов, Шуҳрат Муҳаммадиев — эҳ-ҳе...
