Oldinda bizni ikkita muhim o‘yin kutib turganini ko‘p va xo‘p ta’kidladik. Bu Xitoy va Janubiy Koreyaga qarshi o‘yinlar.
NESTEROV, BARIBIR, NESTEROV
Ha, Ignatiy Nesterov ayni damda terma jamoamizdagi eng foydali va tajribali posbon. Shunday ekan, janob Babayan, Lobanovga dam bering. Bechorani qiynamang endi, uyam biroz dam olsin, axir uyam odam-ku! Bundoq Nesterovga imkon bering. O‘zingiz o‘ylang, darvozabon degani biror marta ham maydonga tushmay, faqat oylik olib yotsa. Juda xunuk-ku, to‘g‘rimi? Xo‘sh, bunga kim aybdor? Yashang, endi ana shu xatoni to‘g‘rilang. Demak, darvozada Nesterov turgani ma’qul.
HIMOYANI O‘ZGARTIRING
Ikkinchi masala himoya. Bu sizning eng nozik jihatingiz, janob Babayan. Yeng shimaring-da, yaxshilab izlaning, Vitaliy Denisov yoki Anzur Ismoilov kabi himoyachilar yana topilar. Ehtimol, iqtidorli himoyachilarimiz yoshdir, lekin siz ishonayotgan yoshi katta himoyachilar ham tajribali emas-ku! Demak, bu borada durang! Shunday ekan, yosh, ammo iqtidorli himoyachilarga ishonch bildirsangiz, baribir, hech narsa yutqazmas ekansiz. Murod Xolmuhammedov, Shuhrat Muhammadiyev — eh-he...
