«Реал» дарвозабони Кейлор Навас янги мавсумга руҳан жиддий тайёргарлик кўраётгани ва асосий таркибдаги ўрнини ҳеч кимга бериб қўймаслиги ҳақида айтиб ўтди.

Матбуот "Қироллик клуби" янги дарвозабон харид қилмоқчи экани борасида бот-бот бонг урмоқда. Шу билан бирга "Реал" қизиқаётган дарвозабонлар номи ҳам эълон қилинмоқда. Улар «Милан» посбони Жанлуиджи Доннарумма, «Челси» дарвозабони Тибо Куртуа ва и «Манчестер Юнайтед» посбони Давид де Хеа. «Қаймоқранглилар» бош мураббийи Зайниддин Зидан эса коста-рикалик дарвозабонга ишонч билдиришини таъкидлаб келмоқда.

«Мен «Реал»да ҳар қандай рақобатчи билан жонимни фидо қилар даражада курашишга тайёрман. Зиданга миннатдорчилик билдириш учун муносиб сўзларни топа олмайман», — деди Навас.