Испаниянинг AS нашри мухлислар орасида «Реал» ҳужумчиси Криштиану Роналдуга тааллуқли сўровнома ўтказди.
Португалиялик футболчи жимликни бузиб, ўз келажаги ҳақида гапириши керакми деган савол нашр томонидан ўртага қўйилди. Сўровномада иштирок этганларнинг 76 фоизи бунга «ҳа» деб жавоб беришди.
Эслатиб ўтамиз, яқинда Испания прокуратураси Роналдуни 14,7 млн евро миқдорида солиқларни яширганликда айблаган эди. Шундан сўнг, футболчи «Реал»ни тарк этмоқчи экани ҳақида хабарлар чиқиб кетди. Бироқ, Роналдунинг ўзи бу воқеа юзасидан жимликни сақлашни маъқул кўрмоқда.
