Олий лиганинг биринчи даврасини ажойиб тарзда ўтказган “Қўқон-1912” жамоаси аъзолари қисқа муддатли таътилга чиқди.
Бош мураббий Нўъмон Ҳасанов жамоа аъзоларига 9 июлга қадар дам олиш учун рухсат берди. Режага кўра 9 июлдан 21 июлга қадар жамоа Тошкент вилоятида навбатдаги ўқув-йиғин машғулотларини олиб боради. Бу йиғин давомида жамоа таркибида ўзгаришлар бўлиши мумкин. Мураббийлар штаби жамоани кучайтириш мақсадида айрим футболчилар билан музокаралар олиб боришмоқда. Шунингдек навбатдаги йиғин давомида Олий лига клублари билан ўртоқлик ўйинлари ҳам ўтказилади.
Жамоанинг сербиялик футболчилари Дарко Гожкович ҳамда Филип Райевац давралар оралиғидаги танаффусдан фойдаланиб ўз юртига жўнаб кетди. Бу футболчилар жамоанинг навбатдаги ўқув-йиғинларига бироз кечроқ келиб қўшиладилар.
Ойбек Рустамов, Жавоҳир Сидиқов ҳамда Андрей Сидоров Ўзбекистон U-22 билан бирга Қатар давлатида бўлиб ўтаётган ҳалқаро турнирда иштирок этмоқда.
Жамоа аъзолари навбатдаги расмий учрашувни 26 июль куни Қўқонда ўтказишади. Шу куни Ўзбекистон кубоги чоракфинали жавоб учрашувини ўтказиш учун Қаршининг “Насаф” жамоаси Қўқонга ташриф буюради.
