«Машъал» кубок баҳсларида ҳозирга қадар барча ўйинларда ғолиб чиққан.

Дастлаб Фарғонада «Истиқлол» 5:0 ҳисобида таслим этилди. Шундан кейин, яна сафарда «Ёзёвон Лочинлари» жамоасига қарши дастлабки баҳсда 4:0 ва Муборакда кечган учрашувда эса 5:0 ҳисобида ғалаба қозонилди. Жамоа Ўзбекистон кубоги ¼ финалидаги рақиби Самарқанднинг “Динамо” жамоаси бўлди ва “Машъал” дастлабки учрашувни сафарда ўтказиб, 1:0 ҳисобида ғалаба қозонди.

«Машъал» кубок баҳсларида ҳали бирорта ҳам тўп ўтказмаган ягона жамоадир. Тўртта баҳсда дарвозани маҳоратли дарвозабонлар Ботир Носиров ва Жавоҳир Илёсов ҳимоя қилишган. Ҳозирча «Машъал» кубок баҳсларида 360 дақиқадан бери тўп ўтказиб юбормаган ягона жамоа бўлиб турибди.

Кубок баҳсларида «Машъал»нинг голларига 10 нафар футболчи муаллифлик қилган:
1.Марадона Сафаров. 5та
2.Абдуллоҳ Олимов . 2та
3.Ҳумоюн Муртазоев. 1та
4.Шаҳзод Шайманов 1та
5.Аббос Омонов 1та
6.Сардор Абдураимов 1та
7.Мирзакамол Камолов 1та
8.Умеджон Шарипов 1та
9.Мўминжон Мелиев 1та
10.Сирож Мелиев 1та

Эслатиб ўтамиз: “Машъал” Ўзбекистон кубоги, 1/4 финал жавоб учрашувини Муборакда ўтказади. Ўйин 4 июль, соат 18-45да “Бахром Вафоев” ўйингоҳида бўлиб ўтади.