«Арсенал» бош мураббийи Арсен Венгер «Лион» ҳужумчиси Александр Ляказеттнинг трансфери ҳақида ўз фикрини айтди.
«Ляказеттнинг сафимизга қўшилганидан хурсандмиз. У бир неча йиллар давомида гол уришга қодир экани ва самарали ҳужумчи эканини исботлаб келмоқда.
Бундан ташқари, Александр ажойиб техник ҳислатларга ва кучли иродага эга йигит. Ляказетт - «Арсенал»га келаси мавсумда юқори савияда ўйнаш учун ёрдам бера олади» - деди Венгер клуб расмий сайти хабарида.