«Реал» яримҳимоячиси Лука Модрич ўтган мавсумдаги ютуқларга қарамай, ғалабага бўлган иштиёқи сўнмаганини айтди.
Эслатиб ўтамиз, Зидан шогирдлари Испания чемпионати, Чемпионлар лигаси ва клублар ўртасидаги жаҳон чемпионатида ғалаба қозонган эди.
«Бир совринни икки, уч марта ютиб олсанг ажойиб ҳиссиётларга эга бўласан. Бу эса олдинга интилиш учун туртки бўлади. Янада кўпроқ ғалабаларни истаб қоласан.
Мен ғалабалардан ҳеч қачон чарчамайман. Биз ҳар доим барча соҳада энг яхши бўлишни истайдиган клуб таркибида ўйнаяпмиз. У барча мусобақаларда ғалаба қозонишни истайди, шу жумладан биз футболчилар ҳам» - деди Модрич Marca хабарида.
