«Челси» клуби бош мураббийи Антонио Конте «Эвертон» ҳужумчиси Ромелу Лукакуни «Манчестер Юнайтед»га ўтишга қарор қилганидан ҳайрон қолмоқда.
«Челси» футболчи учун рақобатчиси каби 75 млн евро таклиф қилди, бироқ Лукаку ва унинг агенти Мино Райола «МЮ» вариантини танладилар.
Ушбу ёзда Конте белгиялик футболчи билан бир неча бор сухбатлашган. Ҳужумчининг «Челси»га қайтишига мутаҳассиснинг ишончи комил эди. Конте Лукакунинг «МЮ»га ўтиб кетганига сотқинлик сифатида қарамоқда.
Ушбу омадсизликдан сўнг Конте бор эътиборини Альваро Мората ва Фернандо Льоренте каби футболчиларга қаратмоқда.
