Англия премьер лигаси клублари даромадга яраша харажат қилмаяпти.

Vysyble компанияси томонидан ўтказилган тадқиқот натижаларига кўра, трансфер ва иш ҳақи харажатларининг ошиб бориши туфайли, инглиз клублари кунига умумий ҳисобда 876 минг фунт маблағ йўқотмоқда.

Натижада, жамоаларнинг қарзи йилдан йилга ошяпти. Масалан, 2013/14 мавсумида клубларнинг қарзи 5,7 млн фунт миқдорида бўлса, 2015/16 мавсумига келиб 320 млн фунтга етган.

Ўз навбатида, 2016 йилда «Манчестер Юнайтед» 515 млн фунт, «Манчестер Сити» — 391 млн, «Арсенал» — 353 млн, «Ливерпуль» — 301 млн, «Челси» — 298 млн фунт даромад олган.