“Насаф”нинг 18-рақамдаги меҳнаткаш ва серҳаракат ўйинчиси Баҳром Абдураҳимов, 2015 йилдан буён “аждарлар” шарафини муносиб ҳимоя қилиб келмоқда.
Асли Андижон вилоятининг Шаҳрихон шаҳридан бўлган бу ўйинчи, жуда қисқа вақтда ичида Қашқадарёлик футбол ишқибозларининг қалбидан чуқур жой эгаллади. У клуб мухлисларининг энг яхши кўрган ўйинчиларидан бири сифатида эътироф этилди.
Жамоа учрашувларида жавобгарлик ҳиссини тўлиқ ҳис эта оладиган тиниб-тинчимас ўйинчи бу йилги чемпионатда бешта голга муаллифлик қилди.
Шунингдек яримҳимоячи биринчи давра мобайнидаги 15 ўйинда майдонга тушиб, 1350 дақиқа ҳаракат қилди. Абдураҳимов тўп учун жуда кўп курашадиган ўйинчи саналади. Шундай бўлсада, ҳакамлар томонидан бор йўғи бир марта огоҳлантириш олди.
