“Nasaf”ning 18-raqamdagi mehnatkash va serharakat o‘yinchisi Bahrom Abdurahimov, 2015 yildan buyon “ajdarlar” sharafini munosib himoya qilib kelmoqda.
Asli Andijon viloyatining Shahrixon shahridan bo‘lgan bu o‘yinchi, juda qisqa vaqtda ichida Qashqadaryolik futbol ishqibozlarining qalbidan chuqur joy egalladi. U klub muxlislarining eng yaxshi ko‘rgan o‘yinchilaridan biri sifatida e’tirof etildi.
Jamoa uchrashuvlarida javobgarlik hissini to‘liq his eta oladigan tinib-tinchimas o‘yinchi bu yilgi chempionatda beshta golga mualliflik qildi.
Shuningdek yarimhimoyachi birinchi davra mobaynidagi 15 o‘yinda maydonga tushib, 1350 daqiqa harakat qildi. Abdurahimov to‘p uchun juda ko‘p kurashadigan o‘yinchi sanaladi. Shunday bo‘lsada, hakamlar tomonidan bor yo‘g‘i bir marta ogohlantirish oldi.
