«Қўқон-1912» Чирчиқ шаҳрида 2-даврага тайёргарлик жараёнини давом эттирмоқда.
Машғулотлар кунига 2 маҳалдан ўтказиляпти. Таркибда «Пахтакор» жамоаси аъзоси, ҳужумкор яримҳимоячи Темур Толипов кўрикдан ўтмоқда. Толипов 1-даврада Наманганнинг «Навбаҳор» жамоасида ўйнаган. Шунингдек «Пахтакор» тарбияланувчиси бўлган, асли қўқонлик Азамат Мамажонов ҳам мураббийлар назоратидан ўтмоқда.
Жавоҳир Сидиқов ҳамда Андрей Сидоров Ўзбекистон U-22 терма жамоаси ихтиёрида бўлиб турибди. Сербиялик легионерлар Дарко Гожкович ҳамда Филип Райевац 18 июлгача таркибга келиб қўшилади. Тажрибали ҳимоячи Александр Мерзляков жароҳатидан аста-секин фориғ бўлмоқда. У асосий гуруҳ машғулотларида иштирок этяпти.
Бугун футболчилар иккига бўлинган ҳолда ўзаро ўйин ўтказишди. «Кўклар»да асосий таркиб футболчилари ҳаракат қилган бўлса, «Қизиллар»да ёшлар ўйнади. Ўйинда 3:1 ҳисобида «кўклар» ғалаба қозонди. Голлар Н.Отақўзиев, С.Бердиев, С.Ҳамидов ва Т.Толипов ҳисобига ёзилди.
«Кўклар»: Никита Рибкин, Азамат Мамажонов, Акмал Холмуродов, Мурод Ҳолмуҳаммедов, Жалил Кимсанов, Баҳодир Акрамов, Қувондиқ Рўзиев, Собир Ҳамидов, Жамшид Ҳасанов,Суҳроб Бердиев, Носир Отақўзиев.
«Қизиллар»: Азиз Ашуров, Исмоил Охунжонов, Аваз Маматхўжаев, Ойбек Рустамов, Дониёр Тўлашев, Иқбол Маликжонов, Шоҳруҳ Эргашев, Иброҳим Раҳимов, Муҳаммаданас Ҳасанов, Темур Толипов, Достон Мелиқўзиев.
