«Qo‘qon-1912» Chirchiq shahrida 2-davraga tayyorgarlik jarayonini davom ettirmoqda.
Mashg‘ulotlar kuniga 2 mahaldan o‘tkazilyapti. Tarkibda «Paxtakor» jamoasi a’zosi, hujumkor yarimhimoyachi Temur Tolipov ko‘rikdan o‘tmoqda. Tolipov 1-davrada Namanganning «Navbahor» jamoasida o‘ynagan. Shuningdek «Paxtakor» tarbiyalanuvchisi bo‘lgan, asli qo‘qonlik Azamat Mamajonov ham murabbiylar nazoratidan o‘tmoqda.
Javohir Sidiqov hamda Andrey Sidorov O‘zbekiston U-22 terma jamoasi ixtiyorida bo‘lib turibdi. Serbiyalik legionerlar Darko Gojkovich hamda Filip Rayevas 18 iyulgacha tarkibga kelib qo‘shiladi. Tajribali himoyachi Aleksandr Merzlyakov jarohatidan asta-sekin forig‘ bo‘lmoqda. U asosiy guruh mashg‘ulotlarida ishtirok etyapti.
Bugun futbolchilar ikkiga bo‘lingan holda o‘zaro o‘yin o‘tkazishdi. «Ko‘klar»da asosiy tarkib futbolchilari harakat qilgan bo‘lsa, «Qizillar»da yoshlar o‘ynadi. O‘yinda 3:1 hisobida «ko‘klar» g‘alaba qozondi. Gollar N.Otaqo‘ziyev, S.Berdiyev, S.Hamidov va T.Tolipov hisobiga yozildi.
«Ko‘klar»: Nikita Ribkin, Azamat Mamajonov, Akmal Xolmurodov, Murod Holmuhammedov, Jalil Kimsanov, Bahodir Akramov, Quvondiq Ro‘ziyev, Sobir Hamidov, Jamshid Hasanov,Suhrob Berdiyev, Nosir Otaqo‘ziyev.
«Qizillar»: Aziz Ashurov, Ismoil Oxunjonov, Avaz Mamatxo‘jayev, Oybek Rustamov, Doniyor To‘lashev, Iqbol Malikjonov, Shohruh Ergashev, Ibrohim Rahimov, Muhammadanas Hasanov, Temur Tolipov, Doston Meliqo‘ziyev.
