«Барселона» клуби «Гуанчжоу Эвергранд» яримҳимоячиси Паулиньони қўлга киритиш ниятидан қайтмаяпти.
Mundo Deportivo хабарига кўра, каталонияликлар 28 ёшли бразилиялик футболчи учун 30 млн евро беришга тайёр.
Аввалроқ, Хитой клуби «Барселона»нинг 20 ва 27 млн евролик таклифларига рад жавобини берган ва унинг товон пули 40 млн евро эканини маълум қилган эди.
Яқинда «Гуанчжоу» бразилиялик Мурики билан шартнома имзолади. Натижада, у жамоа таркибидаги 5-легионерга айланди. Маълумки, Хитой чемпионатида бир клуб таркибида уч нафар хорижлик майдонга туша олади. Шу туфайли, «Барселона» Паулиньонинг қўйиб юборилишидан умидвор бўлмоқда.
