«Бунёдкор» академиясига қарашли майдонда «Қўқон-1912» – «Қизилқум» жамоалари ўртасидаги ўртоқлик учрашуви бўлиб ўтди.
Ўйинда турли сабабларга кўра қўқонликларнинг бир қатор футболчилари ўйнай олмади. Сербиялик Филип Райевац ва Дарко Гожкович айни дамда ўз юртида. Жавоҳир Сидиқов ва Андрей Сидоров эса Ўзбекистон U-22 терма жамоаси билан Қатарда. Александр Мерзляков ҳам бугун майдонга тушмади.
Таркибдаги йўқотишларга қарамай, қўқонликлар назорат учрашувида яхши натижа кўрсата олишди.
Ўйинда ҳисоб 30-дақиқада очилди. Навоийликлар бурчак зарбасини амалга оширгач, Отақўзиевга теккан тўп рикошет билан дарвозадан жой олди.
Ҳисоб 65-дақиқада тенглашди. Бердиевнинг тўп оширишидан сўнг, захирадан майдонга тушган Муҳаммаданас Ҳасанов гол урди.
Қолган дақиқаларда ҳар икки жамоада кўплаб вазиятлар вужудга келишига қарамай, ўйинда ҳисоб ўзгаришсиз қолди.
«Қўқон-1912» навбатдаги назорат ўйинини 21 июль куни “Нефтчи”га қарши ўтказади.
Назорат учрашуви
“Қўқон-1912” – “Қизилқум” – 1:1
Голлар: Ҳасанов (65) – Отақўзиев (30 автогол)
Бош ҳакам: Вадим Агишев
«Қўқон-1912»:13. Никита Рибкин, 8. Баҳодир Акрамов, 18. Жалил Кимсанов, 7. Жамшид Ҳасанов, 25. Носир Отақўзиев, 70. Азамат Мамажонов, 19. Суҳроб Бердиев, 26. Акмал Холмуродов, 10.Қувондиқ Рўзиев, 22. Мурод Ҳолмуҳаммедов, 15. Ойбек Рустамов.
Захира: 12. Азиз Ашуров, 30. Ислом Абдуллаев, 8. Собир Хамидов, 28. Авазхон Маматхўжаев, 24. Иброҳим Раҳимов, 33. Муҳаммаданас Ҳасанов, 29. Иқбол Маликжонов, 11.Темур Толипов.
“Қизилқум”: 22. Артём Макосин, 3. Шукурали Пўлатов, 4. Эркин Бойдуллаев, 9. Отабек Зокиров, 14. Файзулло Қамбаров, 18. Самандар Шодмонов, 20. Ғайрат Жумаев, 23. Шерали Жўраев, 27. Илҳом Юнусов, 35. Максим Юрку, 77. Нодир Камолов.
Захира: 1. Эркин Жабборов, 2. Виктор Григорьев, 8. Акмал Рустамов, 15. Отабек Исроилов, 19. Акрам Баҳриддинов, 32. Хумоюн Абдуалимов, 85. Феруз Бобоқулов.
