«Bunyodkor» akademiyasiga qarashli maydonda «Qo‘qon-1912» – «Qizilqum» jamoalari o‘rtasidagi o‘rtoqlik uchrashuvi bo‘lib o‘tdi.
O‘yinda turli sabablarga ko‘ra qo‘qonliklarning bir qator futbolchilari o‘ynay olmadi. Serbiyalik Filip Rayevas va Darko Gojkovich ayni damda o‘z yurtida. Javohir Sidiqov va Andrey Sidorov esa O‘zbekiston U-22 terma jamoasi bilan Qatarda. Aleksandr Merzlyakov ham bugun maydonga tushmadi.
Tarkibdagi yo‘qotishlarga qaramay, qo‘qonliklar nazorat uchrashuvida yaxshi natija ko‘rsata olishdi.
O‘yinda hisob 30-daqiqada ochildi. Navoiyliklar burchak zarbasini amalga oshirgach, Otaqo‘ziyevga tekkan to‘p rikoshet bilan darvozadan joy oldi.
Hisob 65-daqiqada tenglashdi. Berdiyevning to‘p oshirishidan so‘ng, zaxiradan maydonga tushgan Muhammadanas Hasanov gol urdi.
Qolgan daqiqalarda har ikki jamoada ko‘plab vaziyatlar vujudga kelishiga qaramay, o‘yinda hisob o‘zgarishsiz qoldi.
«Qo‘qon-1912» navbatdagi nazorat o‘yinini 21 iyul kuni “Neftchi”ga qarshi o‘tkazadi.
Nazorat uchrashuvi
“Qo‘qon-1912” – “Qizilqum” – 1:1
Gollar: Hasanov (65) – Otaqo‘ziyev (30 avtogol)
Bosh hakam: Vadim Agishev
«Qo‘qon-1912»:13. Nikita Ribkin, 8. Bahodir Akramov, 18. Jalil Kimsanov, 7. Jamshid Hasanov, 25. Nosir Otaqo‘ziyev, 70. Azamat Mamajonov, 19. Suhrob Berdiyev, 26. Akmal Xolmurodov, 10.Quvondiq Ro‘ziyev, 22. Murod Holmuhammedov, 15. Oybek Rustamov.
Zaxira: 12. Aziz Ashurov, 30. Islom Abdullayev, 8. Sobir Xamidov, 28. Avazxon Mamatxo‘jayev, 24. Ibrohim Rahimov, 33. Muhammadanas Hasanov, 29. Iqbol Malikjonov, 11.Temur Tolipov.
“Qizilqum”: 22. Artyom Makosin, 3. Shukurali Po‘latov, 4. Erkin Boydullayev, 9. Otabek Zokirov, 14. Fayzullo Qambarov, 18. Samandar Shodmonov, 20. G‘ayrat Jumayev, 23. Sherali Jo‘rayev, 27. Ilhom Yunusov, 35. Maksim Yurku, 77. Nodir Kamolov.
Zaxira: 1. Erkin Jabborov, 2. Viktor Grigoryev, 8. Akmal Rustamov, 15. Otabek Isroilov, 19. Akram Bahriddinov, 32. Xumoyun Abdualimov, 85. Feruz Boboqulov.
