«Ман Сити» ҳужумчиси Серхио Агуэро «Челси» клубига ўтиши мумкин.

AS хабарига кўра, лондонликлар 29 ёшли аргентиналик билан шу йил ёздаёқ шартнома имзоламоқчи. «Ман Сити» устози Хосеп Гвардиола футболчи билан хайрлашишга қарши эмас, у жамоа ҳужумида Габриэл Жезусга ишонч билдиряпти.

Бундан ташқари, «Челси» Альваро Мората ва Пьер-Эмерик Обамеянг трансферини ҳам муҳокама қилмоқда.

Аввалроқ, Агуэро билан ПСЖ қизиққани, аммо футболчи «Сити»ни тарк этишни истамагани ҳақида хабарлар чиққан эди.

Ўтган мавсумда Агуэро барча мусобақаларда 33та гол уришга муваффақ бўлган. Футболчининг трансфер нархи 60 млн фунтга тенг.