«Барселона» ҳужумчиси Неймарнинг «ПСЖ» клубига ўтиши эҳтимолий сабаблари маълум бўлди.

Бразилиянинг Lance нашри футболчини Париж клуби сафини тўлдиришга ундаган сабаблар ҳақида ёзди.

Биринчидан, Неймар жамоадоши Лионель Мессининг соясида қолиб кетмоқда ва шахсий совринлар учун курашда аргентиналикка ютқазяпти.

Иккинчидан, «ПСЖ» сафига ўтган Дани Алвес ҳамюрти Неймарни ҳам шунга ундаган бўлиши мумкин.

Учинчидан, «ПСЖ» футболчига жуда катта маош ваъда қилган. Айни пайтда, Неймар «Барселона»да 15 млн евро оляпти.

Тўртинчидан, парижликлар раҳбарияти Неймарнинг агенти бўлмиш отаси билан яхши муносабатга эга. Томонлар бир-бирини анчадан буён билади.

Нашрнинг таъкидлашича, Неймар «ПСЖ» клубига ўтиш ҳақида ҳозирча оғзаки розилик берган.

Эслатиб ўтамиз, унинг товон пули 222 млн еврога тенг.