«Barselona» hujumchisi Neymarning «PSJ» klubiga o‘tishi ehtimoliy sabablari ma’lum bo‘ldi.

Braziliyaning Lance nashri futbolchini Parij klubi safini to‘ldirishga undagan sabablar haqida yozdi.

Birinchidan, Neymar jamoadoshi Lionel Messining soyasida qolib ketmoqda va shaxsiy sovrinlar uchun kurashda argentinalikka yutqazyapti.

Ikkinchidan, «PSJ» safiga o‘tgan Dani Alves hamyurti Neymarni ham shunga undagan bo‘lishi mumkin.

Uchinchidan, «PSJ» futbolchiga juda katta maosh va’da qilgan. Ayni paytda, Neymar «Barselona»da 15 mln yevro olyapti.

To‘rtinchidan, parijliklar rahbariyati Neymarning agenti bo‘lmish otasi bilan yaxshi munosabatga ega. Tomonlar bir-birini anchadan buyon biladi.

Nashrning ta’kidlashicha, Neymar «PSJ» klubiga o‘tish haqida hozircha og‘zaki rozilik bergan.

Eslatib o‘tamiz, uning tovon puli 222 mln yevroga teng.