Вадим Абрамов – бу мутахассисни барча яхши билади. Унинг мухлислари ҳам мамлакатимизда етарлича. Чунки айнан унинг қўли остида миллий терма жамоамиз ўйинида қандайдир мазмун пайдо бўлганди. Абрамов даврида унча-мунча термалар Ўзбекистонда чўчиб туришарди. Айнан шунинг учун ҳам Вадим Карленович термамизни бошқарган мутахассислар орасида мухлислар томонидан танқид остига олинмаган сўнгги йиллардаги ягона мураббий бўлиб турибди.
Ҳозирда Фарғонанинг «Нефтчи» клубини бошқараётган мураббий «футбол экспресс» мухбири билан бўлган суҳбат чоғида терма жамоади пайтларини эслаб ўтди.
- Терма жамоада иш бошлагунимга қадар моддий-техник базаси яхши эканлигидан хабардор қилишганди. Аммо футболчиларга деярли маош тўланмай қўйилганди. Чунки ҳал қилувчи учрашувлар ортда қолганди. Муваффақиятсизликдан кейин тушкун кайфият устун турарди.
Ғалабалар қўлга киритилиб, нуфузимиз орта бошлагач мукофот пуллари орта бошлади. Маблағни олишимиз эмас, ишлаб топишимиз керак, деган ақидани устун қўярдим. ЎФФга бориб, бемалол, тўлов қоғозларини текшириб текшириб чиқишингиз мумкин. Ўзимга ойига 1 миллион 200 минг сўм миқдорида маош тўлашарди.
Осиё кубогидаги муносиб иштирокдан сўнг эса маошимни анча кўтариб қўйишганди. Бу сумма Ўзбекистонда зўр турмуш кечириш учун етарли даражада эди.
Кейинчалик Саудия Арабистонидан таклиф бўлди. Музокаралар давомида йилига 1 миллион доллор маош беришларини билдиришди.
Аммо ўйлаб ҳам ўтирмай, бу таклифни рад этдим – дейди Вадим Абрамов суҳбат давомида.
