«МЮ» клуби «Челси» яримҳимоячиси Неманья Матични қўлга киритиш учун ҳаракат қилмоқда.
Mirror хабарига кўра, «қизил иблислар» футболчининг трансфери учун 35 млн фунт тўлашга тайёр. Аммо, «кўклар» хўжайини Роман Абрамович футболчини қўйиб юборишни истаса-да, «МЮ» клубидан ўзига хос «Лукаку солиғи»ни ундириб олмоқчи.
«Челси» раҳбарияти Ромелу Лукакунинг «МЮ»га ўтиб кетганидан дарғазаб бўлган ва Матичнинг нархини кескин ошириб, 50 млн фунт сўрамоқда. Абрамович шу тарзда «МЮ»дан аламини олишни истамоқда.
Ўз навбатида, футболчи билан қизиқаётган «Ювентус» учун унинг нархи анча паст қилиб белгиланган. Аммо Матичнинг ўзи Манчестерга кўчиб ўтишни хоҳлаяпти.
