«MYU» klubi «Chelsi» yarimhimoyachisi Nemanya Matichni qo‘lga kiritish uchun harakat qilmoqda.

Mirror xabariga ko‘ra, «qizil iblislar» futbolchining transferi uchun 35 mln funt to‘lashga tayyor. Ammo, «ko‘klar» xo‘jayini Roman Abramovich futbolchini qo‘yib yuborishni istasa-da, «MYU» klubidan o‘ziga xos «Lukaku solig‘i»ni undirib olmoqchi.

«Chelsi» rahbariyati Romelu Lukakuning «MYU»ga o‘tib ketganidan darg‘azab bo‘lgan va Matichning narxini keskin oshirib, 50 mln funt so‘ramoqda. Abramovich shu tarzda «MYU»dan alamini olishni istamoqda.

O‘z navbatida, futbolchi bilan qiziqayotgan «Yuventus» uchun uning narxi ancha past qilib belgilangan. Ammo Matichning o‘zi Manchesterga ko‘chib o‘tishni xohlayapti.