Кот-д'Ивуар чемпионатининг энг яхши тўпурари Аристид Бансе мамлакат футбол федерацияси томонидан «Олтин бутса» билан тақдирланди.
L`Equipe хабарига кўра, 32 ёшли Буркина-Фасо терма жамоаси футболчиси 26 ўйинда 13та гол уриб, тўпурарлар баҳсида ғалаба қозонган эди. Бироқ у ўзига топширилган совриндан кўнгли тўлмади.
Совринни қабул қилиб олган Бансе уни алюминдан ясалгани ва магазиндан сотиб олинганини аниқлади.
«Бундай совғадан кўра, оғзаки табрикларни кўпроқ қадрлаган бўлардим. Уни топширган одамлар, нархи 37 евро деб ёзилган қоғозниям олиб ташламапти. Ахир «Олтин бутса» олтиндан ясалмайдими? Бу эса алюминдан ясалган экан» - деди Бансе.
