«Реал» яримҳимоячиси Карлос Каземиро ватандоши Неймарнинг «ПСЖ» клубига ўтиши мумкинлиги ҳақидаги хабарларга изоҳ берди.
Футболчи Неймарнинг «Реал»га ўтиш вариантини кўриб чиқиши кераклигини айтиб, ҳазиллашди.
«Барчаси Неймарнинг қарорига боғлиқ. Бироқ, нега энди у «Реал»га ўтмаслиги керак? Биз уни жуда яхши кутиб олган бўлардик.
Неймар — ажойиб футболчи, унинг ўйинидан ҳайратланаман. У нима қилиш кераклигини билади, отаси ҳам ажойиб инсон. Агар «Барселона»ни тарк этса, қаерга ўтишидан қатъий назар, унга омад тилайман. Неймар Бразилия терма жамоаси учун муҳим футболчи» - деди Каземиро Goal хабарида.
