«Барселона» ҳимоячиси Жерар Пике твиттер саҳифасига Неймар билан бирга тушган фотосуратини жойлаштирган эди.
Неймарнинг ҳеч қаерга кетмаслигига ишора қилиб, фотосурат остига: «У қолади» - деб ёзган Пике бу ишига изоҳ берди.
«Бу менинг шахсий фикрим эди. Унинг келажаги ҳақида аниқ гапирадиган шахс – Неймарнинг ўзидир. Мен унинг қолишини истаганим учун бу фотосуратни жойлаштирдим. Аммо, агар етакчи бўлиш учун бошқа жамоага ўтишни истаса, уни тушунаман. Чунки «Барселона»да етакчи бор, у - дунёнинг энг яхши футболчиси Месси» - деди Пике.
